تورکیه – لیبیا اورته سیده هیدروکاربون ساحه سیده کیلیشووگه قول قوییلدی

تورکیه جمهوریتی تشقی ایشلر وزیری مولود چاووش اوغلی، تورکیه – لیبیا اورته سیده اوزارا هیدروکاربون ساحه سیده کیلیشووگه قول قوییلگن لیگینی بیلدیردی.

مولود چاووش اوغلی رسمی سفر آرقه لی بارگن لیبیانینگ پایتختی طرابلسده لیبیا تشقی ایشلر و خلق ارا همکارلیک وزیری نجلا منگوش بیلن مشترک مطبوعاتی کنفرانس اویوشتیردی.

تورکیه نینگ لیبیا خلقی گه دایمی تیچلیک، برقرارلیک و بیردملیک تامین ایتیش اوچون تورلی همکارلیک که تیار ایکن لیگینی تاکییدله دی.

چاووش اوغلی "لیبیا بیلن بولگن مناسبتیمیز مشترک تاریخیمیز، قوشنیلیک و قرداشلیک که تیانه دی. بوگونگی اوچره شوولریمیز بیلن مناسبتیمیزنی تاباره کوچه یتیریشنی ایککی تامانلمه تعهد ایتدیک. بوگونگی کونده هیدرو کاربونلر و دیپلوماسی ساحه سیده گی کیلیشوولرگه قول قویدیک" دیدی.

چاووش اوغلی جنابلری، کیلیشوونینگ ماده لری نینگ نیمه دن عبارت ایکن لیگی بیلن تیگشلی سوالگه ایسه شو جوابنی بیردی:

"هم ییرده همده دینگیزده شونده ی بولیب برچه صلاحیت ساحه میزده ایککی تامانلیک فایده قیلیش یانداشووی بیلن تورکیه – لیبیا شرکتلری نینگ بیرگه لیکده فعالیت قیلیش، بورغولش کبی همکارلیک ایچیده بولیشینی مقصد قیلیب آلماقده میز" دیدی.  

چاووش اوغلی تورکیه نینگ اورته ییر دینگیزینی برچه قیرغاقداش اولکه لر بیلن تینگ بیرگه لیکده فایده لنه دیگن بیر شکلده تینچلیک دینگیزی گه ایلنتیریش گه قرارلی ایکن لیکلرینی تاکییدله دی.

چاووش اوغلی "شونده ی بولیب حرمتلی جمهور باشلیغیمیز رجب طیب ایردوغان، اروپا بیرلیگی گه هم بیر مشترک «شرقی اورته ییر دینگیزی کنفرانسی» تکلیف ایتگن دیر. ایندی اروپا بیرلیگیدن بو توغریده اولیملی جواب کوتماقده میز" دیدی.