اردوغان اوکراین غله سی نینگ دنیا بازار لری گه ییتکزیب بیریلیشی توغریسیده گپیردی

تورکیه جمهوریتی جمهوررئیسی رجب طیب اردوغان استانبولده 8- تورک طب دنیا سی قورولتایی و طب تاریخی /اورتاق اوتمیش گه وفا ساورین مراسمی ده معروضه قیلدی. 

جمهوررئیس اردوغان, روسیه نینگ اوکراین غله سی نینگ دنیا بازار لری گه ییتکزیب بیریلیشی بوییچه کیلیشوو نی معطل قیلیب قویگن لیگی نی بهالنتیردی. 

اردوغان, "روسیه اوزی اوچون (اوکراین بیلن) تینگ شرایط نینگ تامین ایتیلمه گن لیگی سببلی متردد بیر سیاست آلیب بارسه هم بشریت گه خدمت قیلیش مقصدی بیلن سعی و حرکت لری میز نی دوام ایتتیره میز" دییه قید ایتدی. 

اردوغان, اوشبو کیلیشوو دایره سیده 9,3 میلیون تن اوکراین بوغدایی نینگ دنیا بازار لری گه ییتکزیب بیریلگن لیگی و شونده ی قیلیب غذایی بحران نینگ نسبتاً کمه یتیریلگن لیگی نی بیلدیردی. 

22- جولای کونی استانبولده تورکیه, روسیه, اوکراین و بیرلشگن ملت لر تشکیلاتی اورته سیده غله کیلیشووی امضالنگن ایدی. 

جمعه کونی روسیه تامانیدن بیریلگن بیاناتده, روسیه غله سی و کودی نینگ, غرب نینگ تحریم لری سببلی باشقه اولکه لر گه یوباریلمه یاتگن لیگی و غله کیلیشووی نینگ چوزیلیشی بوییچه 18- نوامبر کونی گه قدر موجود معلومات لر گه کوره قرار قیلینه دیگن لیگی بیلدیریلگن ایدی.