روس نفتی گه نرخ تعیین قیلگن غرب اولکه لریگه روسیه تامانیدن چیکلاو کیریتیلدی

روسیه دولت باشلیغی ویلادیمیر پوتین تامانیدن قول قوییلگن قرارنامه بیلن روس نفتی گه عملی قیلینگن اینگ یوقاری نرخ حرکتی گه قوشیلگن لرگه نفت و نفت محصوللری بیریلمه یدی.

غرب اولکه لری روس نفتی گه 60 دالر نرخ تعیین قیلیشی گه قرشی پوتین تامانیدن قول قوییلگن قرارنامه بیلن چیکلاو قراری قبول قیلیب آلیندی.

اینگ یوقاری نرخ حرکتی گه قوشیلگن شخص و شرکت لرگه نفت و نفت محصوللری ساتیشینی توخته تیب قوییش نی اوز ایچیگه آلگن قرارنامه گه کوره، روس نفتی ساتیب آلووچیلر کیلیشووده یوقاری نرخ ویا بونگه اوخشش بیر یول تعقیب ایتگن تقدیرده نفت بیریلمه یدی.

نفت تشیش نی توخته تیش 2023 ییلی 1 فبروریدن اعتباراً عملی بولیب باشله نیشی تاکییدلنگن قرارنامه ده، یوقاری نرخ حرکتی گه قوشیلگنلرگه نفت انتقالی نینگ فقط پوتین نینگ بویروغی بیلن ممکن ایکن لیگی اورغولنگن.

اروپا بیرلیگی اولکه لری 2 دسامبرده قبول قیلیب آلگن قرار بیلن روسیه دن دینگیز یولی آرقه لی ساتیب آلینگن نفت نینگ واریل نرخی نینگ 60 دالر ایتیب تعیین قیلگندی.  

روسیه باش وزیر اورینباسری الکسندر نواک 23 دسامبرده بیرگن بیاناتده، یوقاری نرخ حرکتی گه قوشیلگنلرگه نفت و نفت محصوللری ساتمسلیکلرینی، کیره ک بولگن تقدیرده نفت تولیدینی 5 الی 7 فایز آزه یتیریشلری ممکن ایکن لیگینی ایتگندی.