امریکا تامانیدن موزلتیب قوییلگن افغانستان پول منبعلری توغریسیده ینگی قرار قبول قیلیب آلیندی

امریکا قوشمه ایالتلریده 2001 ییلیده 11 سپتامبر هجومیده سلبی تاثیرلنگنلرنینگ کفالتی نینگ موزلتیب قوییلگن افغانستان مرکز بانکی نینگ دارائیلریدن تولنیشی بوییچه بولگن طلب سود تامانیدن رد ایتیلدی.

سود قاضیسی گیورگه دانیلس نشر قیلگن قرار متنیده امریکا قوشمه ایالتلری تامانیدن موزلتیب قوییلگن افغانستان پول منبعلری گه قول اوروش گه قانونی صلاحیتلری یوق لیگینی و شونده ی بولیب کفالتلرنینگ اوشبو منبعلردن تولش طلبینی رد ایتگن لیگینی بیلدیردی.

امریکا قوشمه ایالتلری دولت باشلیغی جو بایدن حکومتی نینگ افغانستانده گی طالبان باشقرووینی تن آلمه گن لیگینی ایسله تیب اوتگن دانیلس کفالت طلبینی قبول ایتیش نینگ امریکا قوشمه ایالتلری حکومتی نینگ سیاستی گه ضد بولیشی طفیلی بونینگ ممکن ایمس ایکن لیگینی قید ایتدی.

دانیلس 11 سپتامبر هجوملری طفیلی قاضیلر تامانیدن قبول قیلینگن کفالت حقلری نینگ قوریقلنگن لیگینی تاکییدلر ایکن "بیراق بو کفالتلرنینگ افغانستان مرکز بانکی منبعلریدن توولنیشی ممکن ایمس" دیب ایتدی.

کفالتلرنینگ افغانستان خلقی ویا آلدینگی افغانستان حکومتی نینگ اوستیگه تشله مسلیک کیره ک دیب ایتگن دانیلس "11 سپتامبر هجومیدن مسؤل توتیلگن طالبان نینگ بونی توولشی کیره ک" دیدی.

امریکا قوشمه ایالتلری باشقرووی 2021 ییلی 15 اگستده طالبان نینگ اولکه باشقرووینی قولگه کیریتیب آلیشی بیلن افغانستان مرکز بانکی نینگ خلق ارا مالی باشقرمه لرده گی 3،5 میلیارد دالرینی موزلتیب قویگندی.

طالبان باشقرووی و نادولت تشکیلاتلر خوددی شو 3،5 میلیارد دالرنی آزاد ایتیلیشینی طلب ایتماقده.

امریکا قوشمه ایالتلری ایسه طالبان باشقرووینی رسمی روشده تن آلمه گن لیگی اوچون اوشبو ذخیره نینگ طالبان نینگ قولی گه اوتیشینی خواهله مه یدی.