اردوغان: تورک سرمایه گذارلیک صندوقی تورک دنیا سی نینگ اقتصادی جهتدن بیرله شیشی گه حصه قوشه دی

تورکیه جمهوریتی جمهوررئیسی رجب طیب اردوغان, تورک سرمایه گذارلیک صندوقی نینگ, تورک دنیاسی نینگ اقتصادی جهتدن بیرله شیشی گه حصه قوشه دیگن لیگینی معلوم قیلدی. 

جمهوررئیس اردوغان, پایتخت انقره ده جمهوررئیسلیک مجتمع سیده بولیب اوتگن تورک دولتلری تشکیلاتی فوق العاده ییغیلیشی بیلن علاقه لی بیانات بیردی. 

ییغیلیش نینگ موفقیتلی بولیب اوتگن اوتگن لیگینی بیلدیرگن اردوغان, تشکیلات اعضالری و ناظر لری نینگ تورکیه ده یوز بیرگن ییرسیلکینیشی و سوو تاشقینلری آرتیدن همکارلیک مقصدی بیلن ییغیلیش اوتکزگن لیکلرینی معلوم قیلدی. 

ییغیلیشده اشتراک ایتگن برچه رهبر لرگه منتدارلیک بیلدیرگن جمهوررئیس اردوغان, "آفت لر آرتیدن تورک دنیاسی اوله راق قیلینگن همکارلیک و بیرلیک نی هیچ قچان ایسدن چیقارمه یمیز" دییه قید ایتدی. 

اردوغان, بیر ییل مابینیده زلزله دن تاثیرلنگن منطقه لرده تورر جای ضرورت لری نی بویوک مقیاسده کیفیتلی و امنیتلی بیر شکلده تامین ایتیب بیریشنی هدف قیلیب آلگن لیک لری نی بیلدیردی.

جمهوررئیس اردوغان, تورک دنیاسیده بیرله شیش نینگ اینگ اساسی قسم لریدن عبارت بولگن اقتصاد, تجارت, ترانسپورت و انرژی ساحه لریده گی مناسبت لر باره سیده هم سوز یوریتگن لیکلرینی بیلدیررایکن, "تورک سرمایه گذارلیک صندوقی نینگ قوریلیشی بیلن علاقه لی کیلیشوو نینگ امضالنگن لیگی, رهبر لر ییغیلیشی نینگ اینگ مهم موفقیت لریدن بیری بولدی. اوشبو سرمایه گذارلیک صندوقی نینگ قوریلیشی بیلن کیچیک و اورته درجه لی شرکتلر, ترانسپورت و لوژستیک ساحه سی سیده ایشلیاتگن تامان لر, رواجله نیش و زیربنا پروژه لری, ایکینچلیک و توریزم ساحه سی بوییچه سرمایه کیریتیش و ینگی له نه آله دیگن انرژی فعالیت لری نینگ قوللب- قوتله نیشی اوچون سرمایه امکانیت لری تامین ایتیلیب بیریلگن بوله دی" دییه قید ایتدی. 

تورک سرمایه گذارلیک صندوقی نینگ, تورک دنیا سی نینگ اقتصادی جهت دن بیر یقه دن باش چیقاریشی گه حصه قوشه دیگن لیگینی بیلدیرگن اردوغان اوز سوز لرینی "قوریله دیگن سرمایه گذارلیک صندوقی گه استانبول میزبانلیک قیله دی.  شونده ی قیلیب خلق ارا اقتصادی فعالیت لرده استانبول نینگ مرکزی رولی نی هم تامین ایتگن بولدیک" شکلیده دوام ایتدیردی.