تورکیه ایکّی آیده آلتی میلیون دالرلیک عسل صادر قیلدی

تورکیه, جاری ییل نینگ جنوری بیلن فبرور آی لریده 6 میلیون 485 مینگ 105 دالرلیک بال (عسل) صادر قیلدی. 

شرقی قاره دینگیز صادراتچی لر بیرلیگی رهبرلیک کینگشی باشلیغی نینگ اورینباسری احمد حمدی گوردوغان, تورکیه نینگ جاری ییل نینگ ایکّی آییده 26 اولکه گه بال صادر قیلگن لیگینی بیلدیردی. 

جنوری بیلن فبروری آیلریده 2 مینگ 76 تن بال صادر قیلینگن لیگی نی بیلدیرگن گوردوغان, اوشبو صادرات نتیجه سیده 6 میلیون 485 مینگ 105 دالر عاید قولگه کیریتیلگن لیگینی معلوم قیلدی. 

گوردوغان, بال نینگ اینگ کوپ امریکا قوشمه ایالتلری, اسرائیل و آلمان گه صادر قیلینگن لیگینی ایسله تیب اوتدی. 

گوردوغان, "بال صادراتی میز بوییچه 1 میلیون 881 مینگ 9 دالر بیلن امریکا قوشمه ایالتلری بیرینچی اورین نی ایگلله دی.  اسرائیل گه 1 میلیون 593 مینگ 938 و آلمان گه ایسه 963 مینگ 153 دالرلیک صادرات قیلیندی.  اوتگن ییل نینگ خوددی شوو دوری دن فرقلی بیر شکلده بلغاریا, سعودی عربستان, آیرلند, هانگ کانگ, لیبیا, آسترالیا و چین خلق جمهوریتی گه هم صادرات قیلیندی" دییه قید ایتدی.