روسیه ده ایچکی بازارده اسعار آلیش توخته تیب قوییلدی

روسیه مرکز بانکی "مالی بازارده گی دالغه نیشلرنی کمه یتیریش اوچون" جاری ییل نینگ سونگگی گچه ایچکی بازارده اسعار ساتیب آلیش نی توخته تیب قوییش قراری آلدی.

بانک تامانیدن بیریلگن یازمه بیاناتده 10 اگستدن باشلب ییل نینگ سونگگی گچه ایچکی بازارده بودجه قاعده لریگه بناً اسعار ساتیب الیش نینگ توخته تیب قوییلیشیدن خبر بیریلدی.

اوشبو قرارنینگ مالی بازارده گی دالغه نیشلرنی کمه یتیریش نی مقصد قیلیب آلینگن لیگی قید ایتیلگن بیاناتده اسعار ساتیب آلینیشیده مالی بازارده گی وضعیت گه کوره تکرار باشلشی ممکن ایکن لیگی معلوم قیلیندی.

دالر/ روبل بازاری توناون کونی 2022 ییلی مارچ آییدن بیری ایلک مرته 98 گه آشگندی.

روسیه نینگ بودجه قاعده لریگه کوره نفت و طبیعی گاز عایدی کمه یگن تقدیرده ملی رفاه فندیدن اسعار ساتیشی بولرکن عاید کوپه یگنده اسعار آلینماقده.