ملکه دایانا نینگ جاکتی 1,14 میلیون دالر گه ساتیلدی

ملکه دایانا نینگ مشهور جاکتی آچیق مزایده بیلن 1,14 میلیون دالر گه ساتیلدی. 

امریکا قوشمه ایالتلری نینگ نیویورک شهریده گی ساتبیز مزایده اویی نینگ 50 مینگ الی 80 مینگ دالر گه ساتیلیشی بوییچه تخمینی بیلن 31- آگستده آچیق مزایده گه قوییلگن ملکه دایانا نینگ, دیزاینیده آق قوی لر آره سیده بیرته گینه قره قوی نینگ موجود بولگن مشهور جاکتی, 1,14 میلیون دالر گه ساتیلدی. 

آلووچی لرنینگ اوشبو جاکت نی قنچه گه آله دیگن لیگینی انترنت آرقه لی بیلدیرگن مزایده ده خوددی شوو جاکت نی آلیش گه موفق بولگن کیشی نینگ اسمی بیلدیریلمه دی. 

اوشبو جاکت, سونگّی ییللرده ساتیلگن ملکه دایانا نینگ کوپلب نرسه لری دن قیمت گه ساتیلگن بولدی. 

اوشبو جاکت نینگ دیزاینی, دایانا نینگ قراللیک عایله سیده گی اورنی نینگ سمبولی اوله راق تن آلینگن ایدی.