انرژی ساحه سی بوییچه تورکیه بیلن آذربایجان اورته سیده گی همکارلیک جوده کتته
اوشبو مطلب نی آذربایجان انرژی وزیری بیلدیردی
آذربایجان انرژی وزیری پرویز شهبازوف, تورکیه بیلن آذربایجان اورته سیده طبیعی گاز دن باشلب پطرول گه قدر کوپلب ساحه لر بوییچه جدی همکارلیک نینگ موجود ایکن لیگینی بیلدیررایکن, "کیله جکده انشاءالله ایکله قرداش اولکه اورته سیده جوده کتته همکارلیک مناسبت لری موجود بوله دی" دییه قید ایتدی.
شهبازوف, مسکوده بولیب اوتگن روس انرژی هفته سی دایره سیده, انرژی سکتوریده تورکیه بیلن آذربایجان اورته سیده گی همکارلیک لر حقیده گپیردی.
ایکله اولکه نینگ فرقلی ساحه لرده گی همکارلیگی توغریسیده گپیرگن شهبازوف, "تورکیه بیلن آذربایجان قرداش اولکه لردن عبارت. برچه ساحه لر بوییچه جدی همکارلیک لر موجود. عینی دمده انرژی سکتوری ده جوده کتته همکارلیک لر بار" دییه قید ایتدی.
تورکیه نینگ ایغدیر ولایتیدن آذربایجان گه باغلیق نخجوان خودمختار جمهوریتی گه طبیعی گاز انتقال ایتدیریشی ریجه لنگن قوور نینگ تهدابی نینگ قیسقه بیر مدت آلدین قوییلگن لیگینی بیلدیرگن شهبازوف, اوز سوز لرینی, "بیر نیچه کون آلدین نخجوانده جمهوررئیس لرنینگ اشتراکی بیلن تورکیه دن نخجوان گه گاز قووری نینگ تهدابی قوییلدی" شکلیده دوام ایتدیردی.
شهبازوف, تورکیه بیلن نخجوان اورته سیده برق باغله نیشی حقیده همکارلیک بوییچه کیلیشوو امضالنگن لیگی گه دقت قره تیب, اوشبو توغریده گی ایش لرنینگ دوام ایته دیگن لیگی نی ایسله تیب اوتدی.
تورکیه بیلن آذربایجان اورته سیده گی انرژی همکارلیگی نینگ کوپلب ساحه لر بوییچه دوام ایتیاتگن لیگی نی اورغوله گن شهباز, "آذربایجان بیلن تورکیه اورته سیده پطرول, گاز, پطروکیمیا و ینگی له نه آله دیگن انرژی ساحه لری بوییچه کوپ کتته همکارلیک موجود. انشاءالله اوشبو همکارلیگی میزنی کیله جکده هم حتماً رواجلنتیره میز" دییه قید ایتدی.
شهبازوف, آذربایجان نینگ تورکیه گه فقط گینه طبیعی گاز یوبارمه یدیگن لیگینی بیلدیررایکن, اوز سوز لرینی, "تورکیه آرقه لی بیز نینگ کوپلب پروژه لری میز موجود. کیله جکده انشاءالله ایکله قرداش اولکه اورته سیده کوپ کتته همکارلیک لر بوله دی" شکلیده دوام ایتدیردی.
