تورکیه ده مثبت اقتصادی ینگیلیکلر یوز بیرماقده

تورکیه جمهوریتی جمهوررئیسی رجب طیب اردوغان, آلینگن تدبیر لرنینگ تورکیه نینگ اقتصادیده گی مثبت تاثیری نینگ سیزیله باشلنگن لیگینی بیلدیردی.

جمهوررئیس اردوغان, پایتخت انقره ده 369 مرکز نینگ آچیلیش مراسمیده معروضه قیلدی. 

اردوغان, حاضرگی کون گه قدر هردایم ایش قیلیب خلققه خدمت ایتیب کیلگن لیک لرینی بیلدیردی.

"اوکتوبر آیی ایش کوچی احصائیه لری توغری یولنی تعقیب ایتیاتگن لیگی میز نی کورستماقده" دییه قید ایتگن اردوغان, اوز سوز لرینی, "آلدینگی آی بیلن سالیشتیریلگنده ایشسیزلیک میزانی یریم پاینت پسه ییب 8,30 فایز گه توشیب کیتدی. آلدینگی آی بیلن سالیشتیریلگنده استخدام میزانی ایسه 246 مینگ کوپه ییب 31 میلیون 835 مینگ نفر گه ییتدی.  اوشبو رقم لر ایشسیزلیک میزانی نینگ میلادی 2012- ییل نوامبر آییدن بیری اینگ پس سویه گه توشیب کیتگن لیگینی کورستماقده" شکلیده دوام ایتدیردی. 

تورکیه نینگ اقتصادی کوچی نینگ آرتیشی و صادرات بوییچه یخشی وضعیتده ایکن لیکلرینی بیلدیرگن اردوغان, "آلینگن تدبیر لرنینگ مثبت تاثیری اقتصاد ساحه سیده ینه ده کوپراق کورینماقده.  کیلگوسی آیلردن باشلب ینه ده یخشیراق وضعیت گه شاهد بوله میز" دییه قید ایتدی.