تورکیه چای صادراتیدن ییگیرمه بیش میلیون دالرلیک عاید قولگه کیریتدی

تورکیه, میلادی 2023- ییلده 120 اولکه گه چای صادر قیلیب 25 میلیون 388 مینگ 621 دالرلیک عاید قولگه کیریتدی. 

شرقی قاره دینگیز صادراتچی لر بیرلیگی, تورک چایی نینگ, اوتگن ییلده 120 اولکه, خودمختار و ایرکین منطقه گه ساتیلگن لیگینی بیلدیردی. 

میلادی 2022- ییلده چای صادراتیدن 22 میلیون 808 مینگ 351 دالرلیک عاید قولگه کیریتیلدی.  میلادی 2023- ییلده ایسه اوشبو رقم 11 فایز گه آشیب 25 میلیون 388 مینگ 621 دالر گه ییتدی. 

صادرات میزانی کونساین آرتیب باریاتگن تورک چایی نی اینگ کوپ طلب قیلیاتگن اولکه لر ایسه بلجیم, انگلستان و امریکا قوشمه ایالتلری دن عبارت. 

تورکیه میلادی 2023- ییلده بلجیم گه 8 میلیون 189 مینگ 149 دالرلیک چای ساتدی.

تورکیه نینگ چای صادراتیده بلجیم آرتیدن 3 میلیون 231 مینگ 926 دالر بیلن انگلستان ایکّینچی و 2 میلیون 780 مینگ 540 دالر بیلن ایسه امریکا قوشمه ایالتلری اوچینچی اوریننی ایگلله دی. 

میلادی 2022- ییلدن فرقلی اوله راق تورکیه میلادی 2023- ییلده پولند, سلواکیا, دبی, برازیل, آنتیگوا و برمودا, گابون, سائوتومه و پرنسیپ, یوروگوا, پرتگال, دومینیکا, جمهوری دومینیک, توگو, لتونیا, رواندا و زامبیا گه هم چای ساتدی.