بیرلشگن ملتلر تشکیلاتی تامانیدن بعضی بیر اولکه لرگه مادی یاردم ییتکیزیب بیریله دی

بیرلشگن ملتلر تشکیلاتی بحران یوزبیرگن و 7 ته ییترسیز مالی قوللب – قوتلنگن اولکه گه تیزده انسانی وضعیت نی قوللب – قوتلش اوچون 100 میلیون دالر فن اجره تدی.

بیرلشگن ملتلر تشکیلاتی انسانی ایشلر باشقرمه سی تامانیدن بیریلگن یازمه بیاناتده بیرلشگن ملتلر تشکیلاتی نینگ مرکزی عاجل وضعیتلر فنیدن تامین ایتیب بیریله دیگن 100 میلیون دالرلیک فن نینگ بحران یوزبیرگن اولکه لرگه بیریله جگیدن خبر بیریلدی.

شونده ی بولیب اوشبو فن نینگ 20 میلیون دالردن سودان، کونگو دموکراتیک جمهوریتی و سوریه گه بیریله جگی قید ایتیلگن بیاناتده 15 میلیون دالر چادگه، 10 میلیون دالر نیچرگه، 9 میلیون دالر لبنان گه و 6 میلیون دالر چادگه یاردم ایتیب بیریله جگی معلوم قیلیندی.

بیرلشگن ملتلر تشکیلاتی انسانی ایشلر مسؤل باش کاتب اورینباسری و عاجل یاردم مسؤلی مارتین گریفیث،

"ینگی عاجل فن نینگ تامین ایتیلیشی دنیا مقیاسیده اینگ کوپ بحران گه دوچ قالگن کیشیلرگه حیات قوتقرووچی انسانی همکارلیک نینگ دوام ایتیشینی آسانراق قیله دی." دیب ایتدی.