عراق ده انفجار واقعه سی یوز بیردی

عراق ده انفجار واقعه لری یوز بیرگن.
توناون اوچ شهر ده یوز بیرگن انفجار واقعه لری عاقبتیده ۲۳ کیشی جان بیررایکن, ۴۰ نفر ایسه یاره لندی.
عراق پایتختی بغداد ده بیر نفر انتحاری هجومچی, جماعت نینگ مسجد گه کیرگن پیت ده مسجد نینگ صحنی ده بیلیگی گه باغلب آلگن منفجره مواد نی پارتله تیب یوباردی.
خودی منه شو هجوم عاقبتیده ۱۹ کیشی جان بیررایکن, ۲۹ نفر ایسه یاره لندی.
بغداد نینگ صدر منطقه سیده هم میوه کریتی گه جایلشتریلگن منفجره مواد نینگ پارتلب کیتیشی عاقبتیده ۲ کیشی جان بیررایکن, ۵ نفر ایسه یاره لنگن.
باشقه بیر منطقه ده گزمه قلیب یورگن بیر عراده پولیس موتری گه قره ته اویشتریلگن هجوم عاقبتیده ۲ نفر نینگ جان بیرگن لیگی و ۶ کیشی نینگ ایسه یاره لنگن لیگی قید ایتیلدی.
عراق ده اوتگن ییل ده یوز بیرگن بونگه اوخشش حادثه لر عاقبتیده ۸ مینگ ۹۰۰ کیشی جان بیرگن ایدی.