عراق ده اویشتریلگن انتحاری هجوم عاقبتیده ۳۱ کیشی جان بیردی

عراق ده اویشتریلگن انتحاری هجوم عاقبتیده ۳۱ کیشی جان بیردی.
عراق پایتختی بغداد و موصل شهر لری ده منفجره مواد یوکلنگن موتر لر بیلن انتحاری هجوم اویشتریلدی.
خودی منه شو هجوم لر عاقبتیده ۳۱ کیشی نینگ جان بیرگن لیگی و ۴۲ نفر نینگ ایسه یاره لنگن لیگی قید ایتیلدی.
خوف سیزلیک منبع لری پایتخت بغداد نینگ الجهاد, صدر و الامین منطقه لری ده منفجره مواد یوکلنگن موتر لر بیلن اویشتریلگن هجوم لر عاقبتیده ۱۲ کیشی نینگ جان بیرگن لیگی و ۳۰ نفر نینگ ایسه یاره لنگن لیگی نی ایسله تیب اوتدی.
موصل شهری ده بیر نفر انتحاری نینگ منفجره مواد یوکلنگن موتر نی پارتله تیب یوباریشی عاقبتیده ۱۷ کیشی جان بیررایکن, ۱۱ نفر ایسه یاره لندی.
خودی منه شو جان بیرگن کیشی لرنینگ ۷ نفری نینگ حربی لر دن عبارت ایکن لیک لری بلدریلدی.
یاره لنگن کیشی لرنینگ ایسه ۴ نفری نینگ حربی لر دن عبارت ایکن لیک لری گه دقت قره تیلدی.
موصل نینگ غربی ده باشقه بیر منطقه ده ایسه منفجره مواد یوکلنگن بیر عراده موتر نینگ انفجار ایتتریلیشی عاقبتیده ۲ نفر پولیس نینگ جان بیرگن لیگی و بیر پولیس نینگ یاره لنگن لیگی معلوم قلیندی.