پاکستان تشقی ایشلر وزیری TRT World گه بیانات بیردی

پاکستان و هندوستان اورته سیده گی بحران خلق ارا جمعیت تامانیدن قیغو بیلن تعقیب ایتیلماقده دیب ایته دی پاکستان تشقی ایشلر وزیری قریشی.

پاکستان تشقی ایشلر وزیری شاه محمود قریشی، منطقه ده یوز بیرگن سونگی حادثه لر بوییچه تورکیه رادیو تلویزیون اداره سی نینگ انگلیسچه کانالی TRT World گه بیانات بیردی.

قریشی، کشمیرده هندوستان نینگ 44 عسکری اولگن حادثه بیلن تیگیشلی پاکستان نینگ عیبلنگن لیگینی بیراق بو حادثه بیلن اوزلری نینگ هیچ بیر علاقه لری بولمه گنینی ایتدی.

قریشی؛

"بیر تحقیق آلیب باریلیشی اوچون اوز ارا همکارلیک تکلیف قیلدیک. بیر دلیللری بولسه بیزگه کورستیشلرینی خواهله دیک. عین دمده دیالوگ طلب قیلدیک. اولتیریب اوز ارا مسئله لریمیزگه ییچیم تاپیشیمیز ممکن دیدیک. هسته ای قورالگه ایگه ایککی قوشنی مملکت اورش قیلمه سلیگی کیره ک. هندوستان قول اورگن نرسه جوده خطرلی دیر. پاکستاننی تحریک قیلیب هجوم اویوشتیردیلر. هوا ساحه میزگه تجاوز قیلدیلر" دیدی.

ایککی مملکت نینگ توناون کونی هواده یوز بیرگن بحرانی بیلن تیگیشلی اوله راق بونینگ هندوستان نینگ تحریکی یانداشووی بیلن علاقه لی بیر حادثه ایکن لیگینی ایتدی.

اولر خطدن تجاوز قیلگنده بیزنینگ هم اوز حقیمیزدن مدافعه قیلیشیمیز شرط بوله دی دیب ایتگندیک. هندوستان اردوسی نینگ ایککی اوچاغینی اوریب حقیمیزنی استفاده قیلدیک. بیراق بیز اولرنینگ توپراقلریگه باریب کیرمه دیک. بیزنینگ اوز حدودیمیزنینگ ایچی گه تجاوز قیلیندی" دیب گپیردی.

 پاکستان تشقی ایشلر وزیری، بحران نینگ خلق ارا جمعیت تامانیدن قیغو بیلن تعقیب ایتیلگن لیگینی بیلدیردی.

قریشی، پاکستان باش وزیری عمران خان نینگ دیالوگ چقیریغینی تکرار قیلرکن، عمران خان موضوع بیلن تیگیشلی تینچ سیور بیر ییچیم تکلیف قیلدی. بونی اوزه یتیریب باره دیلر می، ویا تکلیفنی تیکشیریب چیقه دیلر می؟ کوره میز" دیدی.

هندوستان نینگ مهم بیر فرصت گه بها بیرمه گنی گه اشاره قیلگن شاه محمد قریشی، پاکستانده فرقلی بیر حکومت بولگنینی و ینگی حکومت نینگ مسئله لرگه ییچیم تاپیش گه علاقه سی بولگن لیگینی افاده ایتدی.