تورکیه اسرائیل نی قاره له دی

تورکیه غزه ده گی شفا کسلخانه سی نینگ تصویرلریده کوریلگنده اسرائیل نینگ فلسطین خلقینی قصدلی و سیستماتیک بیر شکلده یوق ایتیب تشلش نی قرار قیلیب آلگن لیگی نینگ دلیلی ایگن لیگینی بیلدیردی.

تورکیه جمهوریتی تشقی ایشلر وزیرلیگی تامانیدن بیریلگن بیاناتده "اسرائیل مقاملری سونگگی 6 آیده قول اورگن جرملر، انسانلیک تاریخیده قول اوریلگن اینگ بویوک بربرلیکلردن بیرته سی دیر." دییلگن. بو جرملرگه قول اورگن برچه نینگ سود بوله جگی و بو جرملرگه قول اورولیشی گه کوز یومگنلرنینگ آتلری نینگ تاریخده قاره لکه اوله راق ثبت بوله جگی قید ایتیلدی.

بیاناتده "غزه ده گی شفا کسلخانه سی نینگ تصویرلریده کوریلگنده اسرائیل نینگ فلسطین خلقینی قصدلی و سیستماتیک بیر شکلده یوق ایتیب تشلش نی قرار قیلیب آلگن لیگی نینگ دلیلی دیر." دیب ایتیلگن.

خوددی شو بیاناتده، انسانلیک وجدانی بیلن حقوق نی یوق دیب کورگن شونده ی بولیب گلوبال تینچلیک و برقرارلیک که زیان ییتکیزگن اسرائیل گه توسیق بولیش نینگ خلق ارا همجمعیت نینگ وظیفه سی ایکن لیگی معلوم قیلیندی.

تشقی ایشلر وزیرلیگی نینگ بیاناتیده، "بیرلشگن ملتلر تشکیلاتی خوفسیزلیک کینگشی تامانیدن قبول قیلینگن آتشکیس قراری نینگ و خلق ارا عدالت سودی اعلان قیلگن قوشیمچه چاره – تدبیرلرنینگ عملی قیلینیشی شونده ی بولیب وقت اوتمه ی کیره کلی چاره – تدبیرلرنینگ آلینیشی کیره کلی دیر." دییلدی.