تورکیه ایران نینگ بویوک ایلچیلیگی گه اویوشتیریلگن هجوم نی قاره له دی

تورکیه، اسرائیل تامانیدن سوریه نینگ پایتختی دمشق ده جایلشگن ایران بویوک ایلچیلیگینی نشان آلیب هجوم اویوشتیریشینی قاره له دی.

تورکیه جمهوریتی تشقی ایشلر وزیرلیگی تامانیدن هجوم گه تیگیشلی بیانات بیریلدی.

بیاناتده اسرائیل نینگ سونگگی پیتلرده گی کبی ینه خلق ارا حقوق نی پایمال قیلگن لیگی بیلدیریلدی.

"اسرائیل تامانیدن سوریه نینگ پایتختی دمشق ده جایلشگن ایران بویوک ایلچیلیگینی نشان آلیب هجوم اویوشتیریشینی قاره له یمیز." دییلگن بیاناتده اوشبو هجوم حرکتی نینگ برچه منطقه گه تاثیر قالدیرووچی بیر توقنه شووگه ایلنیب کیتیشیدن قیغولنگن لیگی تاکییدلندی.

بیاناتده "تیگیشلی برچه تامانلرنی عقل سلیم و معقول حرکت ایتیش گه شونده ی بولیب خلق ارا حقوق نی رعایت قیلیش گه دعوت ایته میز." دییلدی.

ایران نینگ دمشق ده گی بویوک ایچیلیگی نینگ ایچیده اورین آلگن قونسلگرلیک بناسی گه آلدینگی کونی اویوشتیریلگن هوا هجومی عاقبتیده ایران انقلاب محافظلری اردوسیدن 2 ته سی جنرال توپلم 7 کیشی حیاتینی یوقاتگندی. خوددی شو هجومده 6 نفر سوریه لیک نینگ هم اولگن لیگی توپلم تلفات سانی نینگ 13 ایکن لیگی بیلدیریلگندی.

ایران اوشبو هجومنی اسرائیل تامانیدن اویوشتیریلگن لیگینی بیلدیرگن حالده تل عفیف باشقرووی سیس سیز قالیش گه دوام ایتماقده.

هجوم گه جواب بیره جگینی بیلدیرگن ایران، امریکا قوشمه ایالتلرینی هم مسؤل کورگن لیکلرینی معلوم قیلگندی.