ایران ده ترورچیلیک هجومی اویوشتیریلدی

ایران نینگ جنوب – شرقیده جایلشگن سیستان – بلوچستان ایالتیده انقلاب محافظلری اردوسیگه باغلیق بیر مرکز بیلن ایککی پولیس مرکزی گه همزمان قوراللی هجوملر اویوشتیریلدی. عاقبتده 3 نفر خوفسیزلیک منسوبی اولدی.

ایران دولت تلویزیونی خبر بیریشیچه، سیستان – بلوچستان والیسی اورینباسری علی رضا مرحمتی "راسک و چابهارده گی عسکری قرارگاهلرگه ترورچیلیک هجومی اویوشتیریلدی. وضعیت کنترول آستیده و موضوع گه تیگیشلی کیین کینگ معلومات بیریله دی." دیب ایتدی.

مرحمتی کیین دولت تلویزیونی گه بیرگن بیاناتده، خوددی شو هجوملرگه جواب بیریلیشی نینگ آرتیدن یوزبیرگن توقنه شوولر نتیجه سیده ایرانلیک 3 نفر خوفسیزلیک منسوبی نینگ حیاتینی یوقاتگن لیگینی بیلدیردی.

شونده ی بولیب جیش العدل تشکیلاتی اجتماعی ترماقلر آرقه لی هجوملرنینگ مسؤلیتینی بوینی گه آلدی.

ایران ده ترور تشکیلاتی ایتیب تن آلینگن جیش العدل، سنی بلوچ خلقی نینگ حقلرینی قوریقله گن لیگینی ادعا ایتیب اولکه نینگ جنوب – شرق تامانیده پاکستان چیگره سیده اورین آلگن سیستان – بلوچستان ولایتیده وقت وقتی بیلن ایران گه قرشی قوراللی هجوملرگه قول اورماقده.