ابولا یوقیملی کسل لیگی معما سی

"ابولا سببلی هیچ قندای بیر ممنوعیت نی توصیه ایتمه دیک"
دنیا ساغلیق نی سقلش تشکیلاتی, غربی افریقا ده حاضرگی کون گه قدر مینگ دن آرتیغراق کیشی نینگ وفات ایتیشی گه سبب بولگن ابولا یوقیملی کسل لیگی سببلی خلق ارا سیاحت و تجارت ده هیچ قندای بیر ممنوعیت نی مطرح ایتمه گن لیگی نی ایسله تیب اوتدی.
اوشبو تشکیلات تمانیدن بیریلگن بیانات ده, ابولا ویروسی نینگ طیاره بیلن سفر جریانی ده بیر انسان دن باشقه بیر انسان گه اوتیشی احتمالی نینگ جوده آز ایکن لیگی بلدریلدی.
ابولا ویروسی نینگ سو یاکه هوا دن ایمس, بلکه کسل لرنینگ وجود مایع لری دن اوتیتگن لیگی بلدریلگن بیانات ده, اوشبو یوقیملی کسل لیک نینگ موجود بولگن اولکه لر گه سفر قیله دیگن کیشی لرنینگ ویروس گه چلینگن کیشی لر دن اوزاق توریش لری و قول لری نی هر دایم یوویش لری کیره ک ایکن لیگی قید ایتیلدی.
بیر کسل نینگ فقط گینه کسل لیک علایمی نینگ کورینیب باشله شی آرتیدن ویروس نی باشقه کیشی لر گه بیریب باشلیدیگن لیگی بلدریلگن بیانات ده, ایلک علایم نینگ ایسیتمه, کوچ سیزلیک حسی, عضله, باش و تماق آغریغی دن عبارت ایکن لیگی گه دقت قره تیلدی.