دنیا ده ابولا کسل لیگی بیلن علاقه لی تدبیر لر آلینماقده

دنیا ده ابولا کسل لیگی بیلن علاقه لی تدبیر لر آلینماقده.
دنیا ساغلیق نی سقلش تشکیلاتی, اوشبو کسل لیک سببلی وفات ایتگن کیشی لرنینگ سانی نینگ 427 نفر گه کوتریلیب کیتگن لیگی نی بلدردی.
عینی دمده اوشبو یوقیملی کسل لیک گه قرشی کوره ش پروسه سی نینگ بیر نیچه آی دوام ایتیشی نینگ ممکن ایکن لیگی بلدریلدی.
لیبریا, گینه و سیره لیون ده قریب بیر میلیون کیشی قرنطین ایتیلرایکن, باشقه اولکه لر نینگ اوشبو کسل لیک نینگ تهدیدی آستیده قالیب کیتگن لیگی قید ایتیلماقده.
هسپانیا نینگ بارسیلونا شهری ده سنگال لیک بیر کیشی اوشبو کسل لیک گه چلینگن لیگی شبهه سی بیلن کسل گه انتقال ایتتریلدی.
اوتگن هفته ده, لیبریا ده ایشلیتگن پیت ده ابولا ویروسی گه مبتلا بولیب هسپانیا گه کیتیریلگن 75 یاشیده گی هسپانیا لیک راهب وفات ایتگن ایدی.
اوشبو واقعه هسپانیا ده ایلک ابولا دن وفات ایتیش واقعه سی دن عبارت بولگن ایدی.
فرانسه هوا یول لری طیاره پرسونلی گه اوشبو ویروس گه قرشی اوزی نی قوریش اوچون مواد ترقتدی.
عینی دمده چین ابولا ویروسی نینگ تشخیصی بیلن علاقه لی بیر میتود اویلب چیقارگن لیگی نی بلدردی.
چین لیک مسئول لر, 3 الی 4 ساعت ده ویروس نی کورسه تیب بیره دیگن اوشبو تست نینگ تولید ایتیلیشی اوچون رسمی اجازت آلگن لیک لری نی ایسله تیب اوتدی.