چینده عایله لرنینگ ایککی فرزند ایگه سی بولیشی گه اجازت بیریلدی

ایندی چینده عایله لرنینگ ایککینچی باله ایگه سی هم بولیشی ممکن.
چین رهبریتی توناون (پنجشنبه میلادی ۲۰۱۵ نچی ییلی اکتوبر آیی نینگ ۲۹ نچی کونی) آلگن بیر قرار بیلن اوشبو اولکه ده دوام ایتیب کیلیتگن عایله لرنینگ فقط گینه بیر فرزند ایگه سی بولیشی کیره ک ایکن لیگی گه تیگیشلی سیاستی نی اداغگه ییتیشتریب قویدی.
چین کمونیست حزبی میلادی ۲۰۱۳ نچی ییلی نوامبر آییده بولیب اوتگن کنگره سیده اوزاق ییل لر دن بیری دوام ایتیب کیلیتگن چینده عایله لرنینگ بیر فرزند ایگه سی بولیشی کیره ک ایکن لیگی گه تیگیشلی سیاست لرنی یومشاق لشتیرگن ایدی. شونده ی قیلیب ایر یاکه خاتین نینگ بیر آته- آنه دن بیرته گینه اوزی نینگ بولیشی تقدیرده, اوشبو عایله نینگ ایککینچی فرزند ایگه سی بولیشی ممکن بولگن ایدی.
میلادی ۱۹۸۰ نچی ییلیده چینده نفوس نینگ توختاوسیز روشده آرتیب کیتگن لیگی سببلی بیر عایله نینگ فقط گینه بیر فرزندی بولیشی کیره ک ایکن لیگی گه تیگیشلی سیاست تطبیق ایتیلیب باشلنگن ایدی.
چیککه حدود لر ده یشیتگن عایله لر گه ایسه ایلک فرزند لری نینگ قیز بولیشی تقدیرده, ایککینچی فرزند لری نینگ بولیشی گه اجازت بیریلگن ایدی.