کانادا ده سوو تاشقینی عاقبتیده کوپلب کیشی حیاتینی یوقاتدی

کانادا نینگ نوا اسکوشیا ایالتیده جوده کوپ یامغیر یاغگن لیگی باعث باشله گن سوو تاشقینلریده لادرک یوقالگن 4 کیشی دن 3 نفری نینگ جسدی تاپیلدی. 

حیاتینی یوقاتگن اوشبو کیشی لرنینگ 2 نفری نینگ باله ایکن لیگی معلوم قیلیندی. 

بی بی سی نینگ بیرگن خبریگه کوره, کانادا قراللیک آتلیق پولیسی, سفری جریانیده موتر نی سیل آلیب کیتگن لیگی باعث خبر آلینه آلمه یاتگن خوددی شوو موتر ده گی 2 باله نینگ جسدی نینگ تاپیلگن لیگینی بیلدیردی.

پولیس, بیاناتیده, اوشبو سوو تاشقین لریده لادرک یوقالگن باشقه بیر موترده گی 52 یاشلی بیر کیشی نینگ هم جسدی نینگ تاپیلگن لیگینی معلوم قیلرایکن, خوددی شوو موترده بولگن یاش بیر ییگیت نینگ ایسه حاضرگه چه تاپیله آلمه گن لیگی گه دقت قره تدی. 

مسئول لر, لادرک یوقالگن یاش ییگیت نینگ تاپیلیشی اوچون قیدیرو- قوتقرو فعالیتلری نینگ دوام ایتیاتگن لیگینی معلوم قیلدی.