امریکا قوشمه ایالتلریده حددن تشقری ایسسیق لیک باعث اونلب کیشی حیاتینی یوقاتدی

امریکا قوشمه ایالتلری نینگ آریزونا ایالتیده حددن تشقری ایسسیق لیک باعث 3,5 آی مابینیده 25 کیشی حیاتینی یوقاتدی. 

آریزونا ایالتیده گی ماریکوپا منطقه سی دولت ساغلیق نی سقلش اداره سی نینگ ترقه تگن هفته لیک راپوری گه کوره, منطقه ده حددن تشقری ایسسیق لیک سببلی 11- اپریل دن بیری 25 کیشی حیاتینی یوقاتگن. 

آریزونا ایالتی نینگ فوینیکس شهریده, 27 کون دوامیده ایسسیق لیک نینگ 43 درجه دن یوقاری بولگن لیگی بیر رکورد دن عبارت ایکن لیگی معلوم قیلیندی. 

عینی دمده آریزونا نینگ ماریکوپا منطقه سیده میلادی 2009- ییلده قوریلگن "ایسسیق لیککه قرشی کوره ش ترماغی" جمعیتی, آچگن 235 مرکزده, هر هفته ایسسیق لیک دن تاثیرلنگن یوزلب کیشی گه ایچیله دیگن سوو و کولرلیک جای لر تامین ایتیب بیرماقده. 

کونگیللی کیشی لر تامانیدن باشقریلیاتگن اوشبو مرکز لردن 18 ته سیده جاری ییلده ایلک مراتبه, ایسسیق هوا دن تاثیرله نیاتگن کیشی لرنینگ یاته آلیشی ممکن بولگن ساحه لر قوریلدی.