ایران نینگ کوپلب شهرلریده قوم طوفانی باعث دولت اداره لری ایشلری ینه بیر کونگه توخته تیلدی

ایران نینگ سیستان بلوچستان ولایتیده گی کوپلب شهرلرده, قوم طوفانی باعث دولت اداره لری نینگ ایشلری ینه بیر کون گه توخته تیلدی. 

ایران رسمی خبر آژانسی ایرنا بیلن مصاحبه قیلگن سیستان بلوچستان هواشناسلیک اداره سی باشلیغی محسن حیدری, منطقه ده قوم و چنگ نینگ اوز تاثیری نی دوام ایتدیریاتگن لیگی نی بیلدیردی.

حیدری, هوا شرایطی نینگ یمان ایکن لیگی باعث اوشبو ولایت نینگ شمالیده جایلشگن زابل, هامون, زهک, هیرمند و نیمروز شهرلریده, دولت اداره لری نینگ ایشلری نینگ بیر کون گه توخته تیلگن لیگینی معلوم قیلدی. 

انسان لرنینگ مجبوریت بولمه گن تقدیرده تشقری گه چیقمسلیک لری نی طلب قیلگن حیدری, تشقری چیقماقچی بولگن کیشی لرنینگ ایسه ماسک تقیش لری نی توصیه ایتدی. 

قوم و چنگ طوفانی سببلی توناون هم زابل, زهک, هامون, هیرمند و نیمروز شهر لریده دولت اداره لری و بانک لر نینگ ایشلری توخته تیلگن ایدی.