برازیل ده طبیعی آفت حادثه سی عاقبتیده کوپلب کیشی جان بیردی

برازیل نینگ جنوبی منطقه سیده یوزبیرگن تروپیکال طوفان عاقبتیده دستلبکی معلوماتگه کوره 22 کیشی حیاتینی یوقاتدی.

منطقه والیسی ایدواردو لیئیت اویوشتیرگن مطبوعاتی کنفرانسده 20 دن آرتیق قصبه ده فوق العاده وضعیت ایتیب اعلان قیلگن لیکلرینی، شونده ی بولیب 15 مینگ کیشی نینگ تخلیه قیلگن لیکلرینی معلوم قیلیب طوفان نینگ سیل و ییر سیلجیشی گه سبب بولگن لیگینی قید ایتدی.

آرژانتین و اوروگوای چیگره سیده جایلشگن ریئو گراندی دو سول و سنته کاتارینا ایالتلریده تروپیکال طوفان عاقبتیده 22 کیشی نینگ جان بیرگن لیگینی قید ایتگن لیئیت بو قصبه لرده بوندن آلدین تینگی بولمه گن فلاکت یوزبیرگن لیگینی ایتدی.

لیئیت خوددی شو طوفان نینگ 60 قصبه ده تاثیرلی بولگن لیگینی کوچلی شمال و سیل طفیلی دریالرنینگ تاشیب کیتگن لیگینی اورغولب قیدیروو و قوتقروو اورونیشلری نینگ قیینچیلیک بیلن آلیب باریلگن لیگینی تیلگه آلدی.

برازیل دولت باشلیغی لوئیز ایناسیو لوله دی سیلوا هم طوفان عاقبتیده اولگنلرنینگ عایله لریگه قیغوداشلیک بیلدیریب،

"خلققه یاردم ییتکیزیب بیریش اوچون تورلی اورونیش آلیب باره میز." دیدی.