یونانده سیل اوچ کیشی نینگ حیاتینی یوقاتیشی گه سبب بولدی

یونانده سوو تاشقینی عاقبتیده حیاتینی یوقاتگن لر سانی 3 نفر گه ییتدی.

یونان اطفائیه تشکیلاتی تامانیدن بیریلگن بیاناتده, کاردیچا ده سیل آلیب کیتگن 82 یاشلی بیر کیشی نینگ حیاتینی یوقاتگن لیگی بیلدیریلدی. 

ولسده بیر نفر و مگنیزیا ده هم بیر کیشی نینگ حیاتینی یوقاتگن سیلده, توپلم اولگن لر سانی 3 نفر گه ییتدی. 

پایتخت آتن ده یشیاتگن کیشی لرنینگ موبایل لریگه یوباریلگن پیامده, مجبور بولمه گن تقدیرده یولگه چیقیلمس لیک طلب قیلیندی. 

آتن و تیگره گیده هم توناون یامغیر نینگ جوده کوپ یاغگن لیگی باعث یوللرده ایریم قیین چیلیک لر پیدا بولگن ایدی. 

سوو تاشقینی سببلی یوزلب اوی و دوکان سوو آستیده قالرایکن, اونلب موتر نی ایسه سیل آلیب کیتگن ایدی.

سیل کوپلب یول, کوپریک, کسلخانه و ساغلیق مرکزی گه ضرر ییتکزگن ایدی.

یونان باش وزیری کیریاکوس میچوتاکیس باشچیلیگیده وزیر لر و یونان هواشناسلیک اداره سی مسئول لری نینگ اشتراکی بیلن بولیب اوتگن ییغیلیشده, هواشناسلیک متخصص لری سه شنبه کونی یاغگن یامغیر نینگ احتمالاً یونان ده یاغگن اینگ کوپ یامغیر دن عبارت بولگن لیگینی بیلدیرگن ایدی.