لیبیا نینگ شرقیده گی سیلده ایکّی مینگدن آرتیق کیشی حیاتینی یوقاتدی

لیبیا نینگ شرقیده گی سیلده, فقط گینه درنه شهری نینگ اوزیده اولگن کیشی لر سانی 2 مینگ نفر دن آشدی. 

اولکه نینگ شرقیده گی "حکومت نینگ باش وزیری" اسامه حماد, بیرگن بیاناتیده, فقط گینه درنه شهری نینگ اوزیده اولگن کیشی لر سانی نینگ 2 مینگ نفر دن آشگن لیگی نی بیلدیردی. 

منطقه ده گی حکومت نینگ ایچکی ایشلر وزیری, درنه شهریده ققشتگیچ یامغیر لر سببلی حیاتینی یوقاتگن 1 مینگ 5 یوز دن آرتیق کیشی نینگ جسدی نینگ تاپیلگن لیگینی بیلدیررایکن, لادرک یوقالگن کیشی لر سانی نینگ ایسه 7 مینگ نفر گه ییتگن لیگینی معلوم قیلدی. 

درنه بلدیه مجلسی اعضا لریدن بیری فیسبوک آرقه لی بیرگن بیاناتیده, اوشبو شهرده کوپلب بنا و اوی لر نینگ سوو آستیده قالگن لیگینی معلوم قیلرایکن, زیربنا نینگ ویران بولگن لیگی, یوللر نینگ بوزیلیب قالگن لیگی, دولت اداره لری و خصوصی ملک لر گه جدی بیر شکلده ضرر ییتگن لیگینی بیلدیردی. 

لیبیا ملی بیرلیک حکومتی نینگ سوزچیسی هم اولکه نینگ شرقیده یوز بیرگن اوشبو حادثه سببلی بولیب اوتگن فوق العاده کابینه ییغیلیشی آرتیدن اجتماعی ترماق آرقه لی بیانات بیردی.

سوزچی, هواشناسلیک اداره سی نینگ بیرگن معلوماتیگه کوره, جبل الاخضر منطقه لریده یامغیر مقداری نینگ تقریباً 400 ملی متر اوله راق کورسه تیلگن لیگینی بیلدیررایکن, بونینگ, لیبیاده 40 ییلدن کوپراق بیر مدت دن بیری کورینگن اینگ یوقاری یامغیر مقداری ایکن لیگینی معلوم قیلدی. 

سیل سببلی ملی بیرلیک حکومتی نینگ باش وزیری عبدالحمید دبیبه نینگ 3 کونلیک ملی ماتم اعلان قیلگن لیگینی معلوم قیلگن سوزچی, اولکه سطحیده بیرق لرنینگ یریم کوتریله دیگن لیگینی بیلدیردی.