تورکیه لیبیا گه یاردم یوباردی

تورکیه سیل عاقبتیده یوزلب کیشی نینگ حیاتینی یوقاتگن لیبیا گه یاردم یوباردی.

تورکیه جمهوریتی ملی مدافعه وزیرلیگی, لیبیا گه قیدیرو- قوتقرو تیم لری و یاردم موادی نی انتقال ایتدیریاتگن اوچ کارگو اوچاغی دن بیرینچی سی نینگ, پایتخت انقره دن اوچگن لیگینی بیلدیردی. 

تورکیه جمهوریتی آفت و عاجل وضعیت لر باشقرمه سی نینگ باشلیغی اوکای مَمیش, اوچ کارگو اوچاغی نینگ لیبیا گه یاردم ییتکزیب بیره دیگن لیگینی ایسله تیب اوتدی. 

ممیش, "تورکیه نینگ, تورکیه دولتی نینگ, تورک ملتی نینگ یاردم لری نی دوست و قرداش لیبیا خلقی گه ییتکزیب بیره میز" دییه قید ایتدی. 

تورکیه جمهوریتی جمهوررئیسی رجب طیب اردوغان هم, لیبیا ده گی اوشبو حادثه بیلن علاقه لی اجتماعی ترماق آرقه لی بیانات بیردی. 

جمهوررئیس اردوغان, "تورکیه, لیبیا خلقی نینگ یانیده دیر. تورکیه جمهوریتی آفت و عاجل وضعیت لر باشقرمه میز نینگ کوردیناسیونی بیلن, بنغازی گه باریب قونیش اوچون اوچ اوچاق تیار وضعیت گه کیلتیریلدی" دییه قید ایتگن ایدی.

لیبیا خلقی گه همدردلیک بیلدیرگن جمهوررئیس اردوغان, اوز سوزلرینی, "اوچاق لریمیزده دستلب قیدیرو- قوتقرو و باشقه ایشلر ده همکارلیک قیلیش اوچون 168 پرسونل, 2 قیدیرو- قوتقرو واسطه سی, 2 قوتقرو قَییغی, تورر جای و باشقه ضرورت لرنینگ تامین ایتیلیشی مقصدی بیلن 170 خیمه, 600 کمپل, 400 کارتن غذایی مواد و تمیزلیک موادی, 20 جنراتور, بیر مینگ ته یامغیر ده کییله دیگن کییم, 500 ایتیک و 500 قول برقی موجود" شکلیده دوام ایتدیرگن ایدی.