لیبیا ده سوو تاشقینی عاقبتیده بیش مینگدن آرتیق کیشی حیاتینی یوقاتدی

لیبیا نینگ شرقیده گی درنه شهریده سوو تاشقینی عاقبتیده حیاتینی یوقاتگن کیشی لر سانی 5 مینگ 300 نفر گه ییتدی. 

مینگلب کیشی نینگ ایسه لادرک یوقالگن لیگی بیلدیریلدی.

لیبیا خبر آژانسی (LANA) بیرگن خبریده, 10- سپتامبر کونی یوز بیرگن سوو تاشقینی عاقبتیده فقط گینه درنه شهری نینگ اوزیده 5 مینگ 300 کیشی نینگ حیاتینی یوقاتگن لیگینی بیلدیردی. 

ملی بیرلیک حکومتی نینگ باش وزیری عبدالحمید دبیبه, سوو تاشقینی سببلی لیبیا ده 3 کونلیک ملی ماتم اعلان قیلرایکن, لیبیا باش وزیرلیک کینگشی هم قرداش اولکه لر و خلق ارا موسسه لرنی سوو تاشقینی نینگ ضرر ییتکزگن منطقه لر گه یاردم یوباریش گه چقیرگن ایدی. 

قیزیل صلیب, لیبیا ده گی سوو تاشقینیده لادرک یوقالگن کیشی لر سانی نینگ 10 مینگ نفر گه ییتگن لیگینی بیلدیرگن ایدی. 

لیبیا نینگ شرقیده گی یامغیر مقداری نینگ سونگّی "40 ییل نینگ اینگ یوقاری سویه سیده" ایکن لیگی بیلدیریلماقده.