هندوستان ده چوکیب کیتگن تونل ده گی ایشچیلر قوتقریب آلیندی

 هندوستان نینگ اوتاراکند ایالتیده گی یول قوریش ایشلری جریانیده چوکیب کیتگن تونل نینگ قالدیقلری آستیگه 17 کوندن بیری بند قالگن 41 ایشچی بوتونله ی قوتقریب آلیندی.

هندوستان قتناو یولی ترانسپورت و قتناو یوللری وزیری نیتین گادکاری اجتماعی ترماق ایکس آرقه لی بیرگن بیاناتده 41 ایشچی نینگ بوتونله ی 17 کون کیین قالدیقلرنینگ آستیدن قوتقریب آلینگن لیگینی بیلدیردی.

قوتقروو فعالیتلری نینگ سونگگی ییللرنینگ اینگ مهم عملیاتلریدن بیرته سی ایکن لیگینی معلوم قیلگن نیتین گادکاری ایش نینگ جوده یخشی باشقریلگن لیگینی افاده ایتدی.

هندوستان باش وزیری نارندرا مودی هم ایکس آرقه لی بیرگن بیاناتده قوتقروو فعالیتلریگه قتنشگن برچه گه منتدارلیک بیلدیریب ایشلرنینگ امنیتلی آلیب باریلگن لیگی طفیلی خرسندچیلیگینی تیلگه آلدی.

هندوستان ده 12 نوامبر تاریخیده قوریلیش ایشلری دوام ایتیب تورگن تونل نینگ بیر بولیمی چ.کیب کیتیشی عاقبتیده بند بولیب قالگن 41 ایشچی گه پایپ آرقه لی واکسیجن و آذیق – اوقات ییتکیزیب بیریلگندی.

قوتقروو فعالیتلری نینگ 7- کونیده بورغولش ماشینلری گه زیان یتیشیشی نتیجه سیده قوتقروو فعالیتی توخته لیب قالرکن بند بولیب قالگن ایشچیلر بیلن 21 نوامبرده علاقه قوریلگندی.