کنیاده سوو تاشقینی عاقبتیده اونلب کیشی حیاتینی یوقاتدی

کنیا ده سیل عاقبتیده حیاتینی یوقاتگن لر سانی نینگ 136 نفر گه ییتگن لیگی بیلدیریلدی. 

کنیا ایچکی ایشلر وزیرلیگی تامانیدن بیریلگن بیاناتده, سیل عاقبتیده 136 نینگ حیاتینی یوقاتگن لیگی معلوم قیلیندی. 

اون مینگلب کیشی نینگ اوی لرینی ترک ایتیش گه مجبور بولیب قالگن کنیاده, حکومت سیل دن تاثیرلنگن لر اوچون 15 میلیون دالرلیک بودیجه اجره ترایکن, "عاجل وضعیت" اعلان قیلگن ایدی. 

عینی دمده بیرلشگن ملتلر تشکیلاتی کنیا نینگ شمالیده گی اتیوپیا ده هم سیل کیلگن لیگی نی بیلدیردی. 

بیرلشگن ملتلر تشکیلاتی, اتیوپیا ده سوو تاشقینی عاقبتیده 57 کیشی نینگ حیاتینی یوقاتگن لیگینی معلوم قیلدی.

اتیوپیاده 600 مینگ کیشی نینگ سیل سببلی مهاجر بولگن لیگینی معلوم قیلگن بیرلشگن ملتلر تشکیلاتی, کولرا واقعه لری نینگ هم آرتیب کیتگن لیگینی بیلدیردی.