جاپان ده یوزبیرگن ییر سیلکینیشی طفیلی اولگنلر سانی آشیب بارماقده

جاپان نینگ غربیده جایلشگن ایشیکاوا ایالتی و بو منطقه ده گی نوتو یریم آرالی قیرغاغیده یوزبیرگن ییر سیلکینیشلریده حیاتینی یوقاتگنلر سانی 180 گه ییتدی.

ایشیکاوا ایالت والی لیگی تامانیدن بیریلگن بیاناتده، جاری آی نینگ ایلک کونلریده یوزبیرگن کوپلب ییر سیلکینیشیده حیاتینی یوقاتگنلر سانی نینگ 180 گه ییتگن لیگی بیلدیریلدی.

بیریلگن بیاناتده، 28 مینگدن آرتیق کیشی نینگ ایریم نقطه لرگه جایلشتیریلگن لیگی خوددی شو ایالت مقیاسیده یاپیلیب قالگن یوللر طفیلی 3 مینگ 300 کیشی نینگ بند بولیب قالگن لیگی قید ایتیلدی.

ایککی هفته سورگن اورته تعطیل و تیناون کونی 8 جنوری "کتته لر کونی (Seijin no Hi)" رسمی تعطیلی نینگ آرتیدن بوگون 9 جنوریده درسلر باشلرکن ایشیکاواده 80 مینگدن آرتیق مکتب ده تعطیل دوام ایتتیریلدی.

درسلر باشلنمه گن مکتبلرگه زلزله نینگ زیان ییتکیزگن لیگی معلوم قیلیندی.

کابینه منطقه نینگ قیته قورولیشی اوچون 2023 مالی ییلی ذخیره فندلریدن 4.7 میلیارد ین (33 میلیون دالر) اجره تیب بیریلیشینی تصدیقله دی.

جاپان هواشناسلیک باشقرووی (JMA) خبر بیریشیچه، 1-5 جنوری اورته سیده ایشیکاوانینگ نوتو یریم آرالی و دینگیز ساحه سیده 5 الی 7 درجه ده کوپلب ییر سیلکینیشی یوزبیرگندی.