جاپان ده اولگنلر سانی 210 دن آشدی

جاپان نینگ غربیده جایلشگن ایشیکاوا ایالتی و بو منطقه ده گی نوتو یریم آرالی قیرغاغیده یوزبیرگن ییر سیلکینیشلریده حیاتینی یوقاتگنلر سانی 213 نفرگه ییتدی.

ایشیکاوا ایالت والی لیگی تامانیدن بیریلگن بیاناتده، جاری آی نینگ ایلک کونلریده یوزبیرگن کوپلب ییر سیلکینیشیده حیاتینی یوقاتگنلر سانی نینگ 213 نفرگه ییتگن لیگی بیلدیریلدی.

بیریلگن بیاناتده، منطقه ده 25 مینگدن آرتیق کیشی نینگ 400 ایریم نقطه لرگه جایلشتیریلگن لیگی خوددی شو ایالت مقیاسیده یاپیلیب قالگن یوللر طفیلی 3 مینگ 100 کیشی نینگ بند بولیب قالگن لیگی قید ایتیلدی.

منطقه مقیاسیده ییر سیلکینیشی طفیلی تورلی شکلده 567 کیشی نینگ یره لنگن لیگی بیلدیریلگن بیاناتده، لادرک بولگن 52 کیشی نینگ عاقبتی نامعلوم ایکن لیگی معلوم قیلیندی.

مرکزی حکومت ییر سیلکینیشی یوزبیرگن منطقه ده بند بولیب قالگنلر اوچون تیگره ک ولایتلر فوکوئی، تویاما و نیگاتاده 10 مینگ کیشیلیک جای تیارلنیشیدن خبر بیردی.

جاپان هواشناسلیک باشقرووی (JMA) خبر بیریشیچه، 1-5 جنوری اورته سیده ایشیکاوانینگ نوتو یریم آرالی و دینگیز ساحه سیده 5 الی 7 درجه ده کوپلب ییر سیلکینیشی یوزبیرگندی.