جاپانده زلزله عاقبتیده اولگن لر سانی آشیب بارماقده

جاپان نینگ غربی ده گی ایشیکاوا منطقه سی و خوددی شوو منطقه گه باغلیق نوتو یریم ارالی قیرغاغیده یوز بیرگن زلزله لر عاقبتیده حیاتینی یوقاتگن لر سانی 215 نفر گه ییتدی. 

ایشیکاوا والی لیگی تامانیدن بیریلگن بیاناتده, جنوری آیی نینگ بیرینچی هفته سیده یوز بیرگن کوپلب زلزله لر عاقبتیده حیاتینی یوقاتگن لر سانی نینگ 215 نفر گه ییتگن لیگی بیلدیریلدی. 

بیاناتده, 4 مینگ 100 دن آرتیق بنا گه ضرر ییتگن لیگی, 24 مینگ دن آرتیق کیشی نینگ باشقه جای لر گه انتقال ایتدیریلگن لیکلری, یوللر نینگ یاپیلگن لیگی سببلی 2 مینگ 500 کیشی نینگ حادثه محلی دن چیقه آلمه ی قالگن لیکلری معلوم قیلیندی. 

زلزله لرده یره لنگن 567 کیشی نینگ تداوی ایتیلیاتگن لیگی معلوم قیلینگن بیاناتده, لادرک یوقالگن 38 کیشی نینگ قیدیریلیاتگن لیگی بیلدیریلدی. 

جاپان هواشناسلیک آژانسی گه کوره, 1-5 جنوریده ایشیکاوا نینگ نوتو یریم ارالی و قیرغاق لریده 5 الی 7 ریشترلیک کوپلب زلزله لر یوز بیرگن ایدی.