هندوستانده بوران سببلی کوپلب کیشی حیاتینی یوقاتدی و یره لندی

هندوستان نینگ غربی بنگال ایالتیده, بوران نینگ سبب بولگن حادثه لرده کمیده 5 کیشی حیاتینی یوقاتدی و 300 دن آرتیق کیشی ایسه یره لندی. 

ترقه تیلگن خبرلرده, جلپائیگوری و مایناگوری منطقه لریده توناون دول یاغیشی بیلن بیرگه باشله گن بوران نینگ تقریباً 10 دقیقه دوام ایتگن لیگی بیلدیریلدی.  اوشبو بورانده کوپلب درخت بیلن برق پایه سی قولب توشدی.

کمیده 800 اوی نینگ خساره مند بولگن بوران نینگ سبب بولگن حادثه لرده, دستلبکی معلوماتلرگه کوره, 5 کیشی حیاتینی یوقاتدی و 300 دن آرتیق کیشی ایسه یره لندی. 

غربی بنگال ایالتی نینگ باش وزیری ماماتا بانرژی, کسلخانه ده تداوی ایتیلیاتگن زخمی لر و اولگن کیشی لرنینگ عایله لرینی باریب کوردی. 

هندوستان باش وزیری نارندرا مودی هم ایکس آرقه لی بیرگن بیاناتیده, حیاتینی یوقاتگن کیشی لرنینگ عایله اعضا لری گه قیغوداشلیک بیلدیردی.