دنیا کپی G و H گروپ لری ده هم مسابقه لر بولیب اوتدی

دنیا کپی G و H گروپ لری ده هم مسابقه لر بولیب اوتدی.
جی گروپی ده آلمان امریکا قوشمه ایالت لری نی ۱ گه صفر و پرتگال ایسه گانا نی ۲ گه بیر مغلوب ایتدی.
شوندای قلیب اوشبو گروپ ده آلمان بیرینچی و امریکا قوشمه ایالت لری ایسه ایککینچی اورین نی ایگللش گه موفق بولدی.
پرتگال بیلن گانا ایسه اوشبو گروپ دن چیقاریلدی.
آلینگن معلومات لر گه کوره, H گروپی ده گی مسابقه ده الجزایر بیلن روسیه بیر گه بیر تینگ بولیب قالرایکن, بلژیک ایسه جنوبی کوریا نی بیر گه صفر مغلوبیت گه اوچره تدی.
شوندای قلیب اوشبو گروپ ده بلژیک بیرینچی, الجزایر ایسه ایککینچی اورین نی ایگلله دی. روسیه بیلن جنوبی کوریا نینگ ایسه گروپ دن چیقاریلگن لیک لری کوریندی.