تورکیه معیوبلر ملی تیرمه جماعه سی دنیا مقیاسیده قهرمان بولدی

تورکیه معیوبلر فوتبال ملی تیرمه جماعه سی استانبولده اویوشتیریلگن 2022 دنیا کپ فاینل بیلله شوویده انگولانی 4-1 بیلن مغلوبیت گه اوچره تیب دنیا مقیاسیده قهرمان بولدی.

تورکیه ملی تیرمه جماعه سی استانبولده بولیب اوتگن دنیا کپ بیلله شوولری نینگ فاینلیده انگولا بیلن اوچره شدی.

گالاته سرای نینگ استدیومیده بولیب اوتگن اوچره شوونی 15 مینگ اطرافیده تماشاچی تعقیب ایتدی.  

تورکیه ملی تیرمه جماعه سی نینگ گوللرینی عمر کولریوز، رحمی (2) و سرکان دره لی اوردی.

شونده ی بولیب اوچره شوونی تورکیه جمهور باشلیغی رجب طیب ایردوغان بیلن بیر قطارده یاشلر و سپورت وزیری مِحمِد محرم قصاب اوغلی بیلن ساغلیک نی سقلش وزیری فخرالدین کوجه هم تعقیب ایتدی.

کپ نی جمهور باشلیغی رجب طیب ایردوغان بیردی.

جمهور باشلیغی ایردوغان اوز تویتر ادرسی آرقه لی قوتلاو پیامی ترقه تدی.

"معیوبلر دنیا کپ بیلله شوولریده قهرمان بولگن معیوبلر فوتبال ملی تیرمه جماعه میزنی یوتوقلی و قرارلی کوره شی بیلن یوراکدن قوتله یمن" دیب ایتدی.

کیین ت ر ت سپورت گه بیانات بیرگن جمهور باشلیغی ایردوغان شولرنی ایتدی:

"حقیقتن بو جایده بیر درس بار. او درس منه شو: بو معیوب قرداشلریمیزنینگ غروری، کوره شی، قرارلی لیگی، فوتبال نینگ ایریم ساغلم بولیملریگه مثال تشکیل ایته دی. بو کوره ش گه قرشی هیچ بیر نرسه چیده آلمه یدی. شو مناسبت بیلن اوزیم، ملتیم تامانیدن ملی تیرمه جماعه میزنی تبریکله یمن" دیب ایتدی.