تورکیه - کرواسیا ملی تیرمه فوتبال جماعه لری اوچره شووی بولیب اوته دی

تورکیه ملی تیرمه فوتبال جماعه سی UEFA 2024 اروپا کپ (EURO 2024) سره لش بیلله شوولری D گروپ ایککینچی مسابقه سیده کرواسیا بیلن اوچره شه دی. اوچره شوو بوگون کیچقرون تورکیه نینگ میزبانلیگیده بورسا ولایتیده بولیب اوته دی.

بورسا بویوک شهر بلدیه سی استدیومیده گی اوچره شوو تورکیه وقتی بیلن کیچقرون ساعت 21:45 ده افغانستان وقتی بیلن ساعت 23:15 ده اجرا ایتیله دی. اوچره شوو تورکیه رادیو تلویزیون ترماغی TRT1, TRT İZLE, trtspor.com.tr آرقه لی جانلی روشده نشر بوله دی.

مسابقه نی سویدن فوتبال فدراسیونیدن حکم اندراس ایکبرگ آلیب باره دی.

تورکیه گروپ نینگ بیرینچی اوچره شوویده ارمنستان نی 2-1 بیلن مغلوبیت گه اوچره تر ایکن کرواسیا اوز اوییده والز بیلن 1-1 برابرگه قالگندی.