UEFA قهرمانلر لیگیده منچستر سیتی بیلن انتر جماعه لری غلبه قازاندی

منچستر سیتی اروپاده بایرن مونیخ گه قرشی غلبه قازاندی

UEFA قهرمانلر لیگی چارک فاینل بیرینچی اوچره شوویده منچستر سیتی اوز اوییده بایرن مونیخ نی 3-0 بیلن مغلوبیت گه اوچره تدی.

اتحاد استدیومیده بولیب اوتگن اوچره شووده انگلیس جماعه سی نینگ گوللرینی 27 – دقیقه ده رودری، 70 – دقیقه ده برناردو سیلوه و 76 – دقیقه ده ایرلینگ هالند اوردی.

بو بیلله شوونینگ قیتیش اوچره شووی ایسه 19 اپریلده آلمانده اجرا ایتیله دی.

بو فوتبال فصلیده 45 گول اورگن نارویلیک یولدوز فوتبالچی ایرلینگ هالند بیر فوتبال فصلیده رسمی اوچره شوولرده اینگ کوپ گول اورگن پریمیر لیگ فوتبالچیسی بولدی.

ایریم اوچره شووده ایتالیانینگ انتر جماعهسی پورتگال نینگ بینفیکا جماعه سینی پورتگال ده 2-0 بیلن مغلوبیت گه اوچره تیب اوز اوییگه کتته یوتوق بیلن قیتیب باردی.