منچستر سیتی – ارسینال اوچره شووی بولیب اوتدی
منچستر سیتی ارسینال گه قرشی غلبه قازاندی
پریمیر لیگده 2 مسابقه سی کم اوینه گن منچستر سیتی 75 نمره سی بولمیش بیرینچی اورینده گی ارسینال نی کوتیب آلدی.
پیپ گواردیولانینگ باشقروویده گی منچستر سیتی اتحاد استدیومیده میکل ارتیتانینگ باشقروویده گی ارسینال نی 4-1 بیلن مغلوبیت گه اوچره تدی.
قهرمانلیک اوچون کتته فرصت قولگه کیریتگن منچستر سیتی نینگ گوللرینی 7- و 54 -دقیقه لرده بلجیملیک یولدوز فوتبلچیسی کوین دی بروینه، 54 +2 دقیقه ده جون ستونس و 90 + 5 ده نارویلیک یولدوز فوتبالچیسی هالند اوردی.
سونگگی 6 سیزونده 5- قهرمانلیک اوچون اورونگن و ایککی مسابقه سی کم بولگن منچستر سیتی 73 نمره گه کوتریلدی. شونده ی بولیب ارسینال 75 نمره ده قالدی.
منچستر سیتی 30 اپریل یکشنبه کونی فولهام گه مهمان بولیب اوچره شه دی.
ارسینال ایسه اوز اوییده چلسی بیلن اوچره شه دی.
علاقه لی ینگی لیکلر
اروپا قهرمانلر لیگیده ریئال مادرید غلبه قازاندی
اروپا قهرمانلر لیگیده ریئال مادرید سونگگی 3 دقیقه ده غلبه قازاندی