ریئال مادرید مغلوبیت گه اوچره دی

اسپانیا فوتبال لیگی لا لیگانینگ 33 – هفته بیلله شوولری دایره سیده ریئال مادرید مهمان بولیب بارگن ریئال سوسیدادگه 2-0 بیلن مغلوب بولدی و قهرمانلیک چانسینی قولدن بیردی.

میزبان ریئال سوسیدادنینگ گوللرینی 47 – دقیقه ده جاپانلیک فوتبالچی تکیفوسا کوبو و 85 – دقیقه ده اندر برینتکسیا اوردی.

ریئال مادریدده ایسه 61- دقیقه ده دیفانس فوتبالچی دانی کارواآل ایککینچی سریغ کارت نینگ آرتیدن قیزیل کارت آلیب اویین نی ترک ایتیش گه مجبور بولدی.

لالیگاده بیرینچی اورینده تورگن بارسیلونادن 14 نمره کیینگه قالگن ریئال مادرید قهرمانلیک چانسینی قولدن بیردی.

بارسیلونا کیلگوسی هفته 34 – اوچره شووده 14 می کونی کاتالان دربیسیده اسپانیول نی اوتگن تقدیرده رسمی روشده قهرمان بوله دی.

بارسیلونا 13 می تاریخیده ریئال مادرید اوز استدیومیده گیتافه گه اوتیلگن تقدیرده ینه قهرمان بوله دی.