اروپا قهرمانلر لیگی بیلله شوویده منچستر سیتی بیلن ریئال مادرید اوچره شدی

UEFA قهرمانلر لیگی یریم فاینل ایککینچی اوچره شوویده منچستر سیتی مهمان قیلیب اوچره شگن ریئال مادریدنی 4-0 بیلن مغلوبیت گه اوچره تیب استانبول ده گی فاینل اوچره شوویده انتر جماعه سی نینگ رقیبی بولدی.

اروپا فوتبالیده اینگ معتبر جماعه لر ارا بیلله شوولر ایتیب سنلگن قهرمانلر لیگی نینگ یریم فاینل اوچره شوویده منچستر سیتی غلبه قازاندی.

اسپانیاده اجرا ایتیلگن بیرینچی اوچره شوو 1-1 اداغگه ییترکن اتحاد استدیومیده گی ایککینچی اوچره شووده  انگلستان نینگ منچستر سیتی جماعه سی اسپانیانینگ ریئال مادرید جماعه سینی 4-0 بیلن اوتدی.

اوچره شوونی پولندلیک حکم سیمون مارسینیاک آلیب باردی.

منچستر سیتی نینگ گوللرینی 23 و 37 – دقیقه لرده پورتگاللیک فوتبالچیسی برناردو سیلوا اوردی. ایککینچی میدانده ایسه اوچونچی گول نی ریئال مادریدنینگ برازیل لیک مدافعه فوتبالچیسی ایدر میلیتائو اوز دروازه سیگه اوردی.

اوچره شوونینگ 90+1 دقیقه ده آرژانتینلیک فوتبالچی جولیان اروالیز اورگن گول بیلن وضعیت نی 4-0 گه کیلتیردی.

شونده ی بولیب ریئال مادریدنینگ مربیسی کارلو انجیلوتی الکس فرگیسون نینگ ریکاردینی اورنه تیب قهرمانلر لیگی تاریخیده اینگ کوپ اوچره شووگه اورین آلگن مربی بولدی.