ایپک یولی رالیسی بیلله شووی باشله دی

دنیانینگ مهم اتوموبیل بیلله شوولریدن شرق – غرب دوستلیک رالیسی نینگ ینگی مسابقه سی ایپک یولی رالیسی باشله دی.

اروپادن 6 ته اولکه دن توپلم 40 ته بیلله شووچی نینگ قتنشیشی بیلن تورکیه آرقه لی مغولستان گه ییتیب باره دیگن ایپک یولی رالیسی باشله دی. خوددی شو چوکاتیده 19 اگستده آلمان، اتریش، ایتالیادن یولگه قوییلگن بیلله شووچیلر 20 اگستده هنگریده اوچره شدی.

16 سپتامبرگچه 11 مینگ کیلومتر یول طی بوله دیگن رالی صربستان، بلغارستان، تورکیه، ایران، آذربایجان، اوزبیکستان، قرغزستان، قزاقستان و چین آرقه لی مغلستان ده اداغگه ییتیب باره دی.

غرب – شرق دوستلیک و تینچلیک رالیسی اویوشمه سی باشلیغی نادر سرین ایپک یولی رالیسی تیارگرلیکلری چوکاتیده تشریف بیورگن اروپا پارلمانیده قیلگن صحبتده بو رالی نینگ مهم هدفلریدن بیرته سی نینگ تورکیه نی تنیتیش ایکن لیگینی ایتگندی سرین جنابلری.

"بیز بو رالی بیلله شووینی تورکیه نینگ تنیتیلیشی دایره سیده اویوشتیرماقده میز. بیلله شووچیلرنینگ قریب برچه سی چیت ایللیک. بو ییل 6 اولکه دن قتنشماقده لر. 20 ته واسطه 40 کیشی بیلن یولگه قوییله میز." دیگندی.

"بیلله شووچیلر تورکیه ده کورگن مهمان نوازلیک طفیلی اولکه لریگه قیتیب بارگندن کیین بیزنینگ فخری ایلچیمیز بوله دیلر." دیگندی سرین. شونده ی بولیب شرق بیلن غرب مدنیتلری اورته سیده کوپریک ایجاد ایتیش نینگ اینیقسه اروپاده اوروش دوام ایتیب تورگن بیر پیتده تاباره کوپراق اهمیتی بارلیگینی گه دقت تارتگندی.

سرین ایپک یولی رالیسی نینگ اناطولیدن اوتیب تونا دریاسینی اورخون وادیسی بیلن باغلشینی تاکییدله گندی. خوددی شو رالی نینگ بیلتور اویوشتیریلگن بیرینچی بیلله شوویده بولگندیک بو ییلده موترلرنی سونگگی باریش جای بولگن اولکه گه تحفه قیلیب بیره جکلرینی قید ایتگندی.