تورکیه – کرواسیاگه قرشی غلبه قازاندی

تورکیه ملی تیرمه فوتبال جماعه سی UEFA 2024 اروپا کپ (EURO 2024) سره لش بیلله شوولری D گروپ آلتینچی مسابقه سیده کرواسیا بیلن اوچره شدی. اوچره شوو توناون کونی کیچقرون کرواسیانینگ میزبانلیگیده بولیب اوتدی.

اوچره شووده تورکیه ملی تیرمه فوتبال جماعه سی اوز رقیبی گه قرشی 1-0 بیلن غلبه قازاندی.

تورکیه نینگ گولینی 30 – دقیقه ده باریش آلپر ییلمز اوردی.

اوشبو اوچره شوو تورکیه وقتی بیلن کیچقرون ساعت 21:45 ده افغانستان وقتی بیلن ساعت 23:15 ده اجرا ایتیلدی. اوچره شوو تورکیه رادیو تلویزیون ترماغی TRT1, آرقه لی جانلی روشده نشر قیلیندی.

بو نتیجه بیلن تورکیه 13 نمره گه ییتیب بیرینچی اورین نی ایگلله دی.

کرواسیا ایسه بیر مسابقه سی کم بولگن حالده 10 نمره بیلن ایککینچی اورینده ولز بیلن ارمنستان 7 نمره بیلن 3 – و 4- قطارده اورین آلرکن لیتوانیا 3 نمره بیلن سونگگی قطارده توره دی.