فیفا 2026 جهان کپ بیلله شوولری اوچ اولکه ده بولیب اوته دی

خلق ارا فوتبال فدراسیونلری بیرلیگی (فیفا) 23 سی بولیب اوته دیگن جهان کپ دایره سیده اجرا ایتیله دیگن اوچره شوولرگه کانادا، امریکا قوشمه ایالتلری و مکسیکونینگ میزبانلیک قیلیشیدن خبر بیردی.

2026 جهان کپ فاینل اوچره شووی ایسه 19 جولای تاریخیده امریکا قوشمه ایالتلری نینگ نیویورک / نیوجرسی منطقه سیده گی مت لایف استدیومیده اوینله دی.

82500 تماشاچی ظرفیتی بولگن میت لایف استدیومی، شیلی ملی تیرمه جماعه سی آرژانتین گه قرشی غلبه قازانگن 2016 کپ امریکا اوچره شووی بولیب اوتگن استدیومدن عبارت.

فیفا تامانیدن بیریلگن بیاناتده، 39 کون دوام ایته دیگن بیلله شوولرنینگ آچیلیش اوچره شووی نینگ 11 جون تاریخیده مکسیکوده جایلشگن استادیو آزتکا استدیومیده، اوچونچیلیک اوچره شووی نینگ فلوریدانینگ میامی گاردینز شهریده گی هارد روک استدیومیده اجرا ایتیله جگی معلوم قیلیندی.   

دنیا مقیاسیده اینگ ییریک فوتبال بیلله شووی بولمیش فیفا جهان کپ بیلله شوولری ایلک مرته اوچ اولکه ده بولیب اوته دی.

48 اولکه قتنشه دیگن بیلله شوولرنینگ بیر بولیمی امریکا قوشمه ایالتلری نینگ نیویورک، دالاس، میامی، کانزاس، هیوستون، آتلانتا، لس آنجلس، فیلادلفیا، سیاتل، سانفرانسیسکو و بوستون شهرلریده جایلشگن 16 استدیومده اوینله دی.

شونده ی بولیب مکسیکوده گی اوچره شوولر مونتری، گوادالاخارا و مکسیکو سیتی ده، کاناداده گی اوچره شوولر ونکوور و تورنتوده اجرا ایتیله دی.