بوگون تاریخده قنده ی ینگیلیکلر یوز بیردی؟ 5 دسامبر

میلادی 1791- ییل 5 دسامبرده, اتریش لیک بسته کار ولفگانگ آمائوس موتسارت ویاناده وفات ایتدی.  35 ییل یشه گن موتسارت نینگ 626 اثری بار.

میلادی 1934- ییل 5 دسامبرده, تورکیه ده عیال لر گه پارلمان اعضاسی ایتیب سیله نیش و سیله ش حقی نینگ بیریلیشی بیلن علاقه لی قانون تورکیه بویوک ملت مجلسیده قبول قیلیندی. اوشبو قانون دایره سیده 22 یاشیدن کتته عیال لر گه رای بیریش و 30 یاشیدن کتته عیال لر گه ایسه وکیله ایتیب سیله نیش حقی بیریلدی.  شونده ی قیلیب 1935- ییل 8 فبروریده بولیب اوتگن سیلاو نتیجه سیده 18 نفر عیال تورکیه جمهوریتی پارلمانی نینگ وکیله سی ایتیب سیلندی. 

میلادی 1951- ییل 5 دسامبرده, بیرلشگن ملت لر تشکیلاتی چوکاتیده خلق ارا کوچ تشکیلاتی قوریلدی.  اوشبو تشکیلات, مهاجر لرنینگ باشقه اولکه لر گه جایلشتیریلیشی, کوچمنچی لرنینگ ساغلیغی و قانونی مهاجرت لر کبی ساحه لر بوییچه فعالیت یوریتماقده.

میلادی 2013- ییل 5 دسامبرده, عِرقچیلیککه قرشی کوره ش نینگ سمبولی دن عبارت, جنوبی افریقا نینگ بیرینچی قاره تنلی جمهوررئیسی نیلسون مندیلا وفات ایتدی.