قرغزستان جمهور باشلیغی انقره گه تشریف بویوردی

تورکیه جمهوریتی جمهور باشلیغی رجب طیب ایردوغان تورکیه گه سفر اویوشتیریب کیلگن قرغزستان جمهور باشلیغی صدر جباروف نی پایتخت انقره ده رسمی مراسم آرقه لی کوتیب آلدی.

قتّیق یامغیر آستیده بولیب اوتگن مراسمده جمهور باشلیغی ایردوغان جباروف نی ایشیکده کوتیب آلدی.

جباروف کوتیب الیش حربی گروهینی "سلام علیکم عسکر" دیب سلامله دی.

مراسمده تاریخده قوریلگن 16 تورک دولتی نینگ بیراقلری هم اورین آلدی.

ایردوغان بیلن جباروف بیر بیرلریگه هیئاتلرینی تنیشتیرگندن کیین تورکیه – قرغزستان بیراقلری بیلن ژورنالیستلرنینگ کمره لریگه تصویرگه توشدیلر.

مراسم گه جمهور باشلیغی اورینباسری فواد اوکتای، تقی ایشلر وزیری مولود چاووش اوغلی، خزینه و مالیه وزیری لطفی ایلوان، مدنیت و توریزم وزیری محمد نوری ایرسوی، تجارت وزیری محمد موش بیلن جمهور باشلیغی علاقه باشقرمه سی باشلیغی فخرالدین آلتون و جمهور رئیسلیک سوزچیسی ابراهیم قیلن اورین آلدی.

جباروف گه همراهلیک قیلگن یوقاری سویه لی هیئاتده ایسه قرغز وزیر و عسکری ییتکچیلر اورین آلدی.

مراسم نینگ آرتیدن ایردوغان بیلن جباروف یوزمه یوز اوچره شووگه باشله دی.