جمهوررئیس اردوغان اسرائیل نینگ کسلخانه گه قره تیلگن هجومی گه قتتیق عکس العمل کورستدی
اردوغان اوشبو توغریده اجتماعی ترماق آرقه لی بیانات بیردی
تورکیه جمهوریتی جمهوررئیسی رجب طیب اردوغان, اسرائیل نینگ غزه ده الاهلی الباپیست کسلخانه سی نی بمباردمان قیلگن لیگی بیلن علاقه لی, "تاریخده مثالی کورینمه گن بو وحشت نی توخته تیش اوچون انسانیت نی سعی و حرکت قیلیش گه چقیره من" دییه قید ایتدی.
جمهوررئیس اردوغان اسرائیل نینگ اوشبو قانلی هجومی آرتیدن, اجتماعی ترماق آرقه لی بیانات بیردی.
اردوغان اوشبو بیاناتیده, "ایچیده عیال لر, باله لر و معصوم عادی اهالی نینگ موجود بولگن بیر کسلخانه نی بمباردمان قیلیش, اسرائیل نینگ اینگ اساسی انسانلیک ارزش لری گه اهمیت بیرمه یاتگن هجوم لری نینگ سونگّی مثالی دن عبارت. غزه ده یوز بیرگن و تاریخده مثالی کورینمه گن بو وحشت نی توخته تیش اوچون انسانیت نی سعی و حرکت قیلیش گه چقیره من" دییه قید ایتدی.
اسرائیل نینگ الاهلی الباپیست کسلخانه سی نی بمباردمان قیلیشی عاقبتیده, دستلبکی معلوماتلر گه کوره 500 کیشی نینگ حیاتینی یوقاتگن لیگی بیلدیریلدی.
غزه ده گی ساغلیق نی سقلش وزیرلیگی سوزچیسی اشرف القدره, بمباردمان عاقبتیده 500 کیشی نینگ حیاتینی یوقاتگن لیگی نی معلوم قیلدی.
حیاتینی یوقاتگن لرنینگ کوپچیلیگی نینگ چقه لاق, باله و عیال لردن عبارت ایکن لیک لری بیلدیریلماقده.
فلسطین دولت رهبری محمود عباس اوشبو حادثه آرتیدن 3 کونلیک ملی ماتم اعلان ایتدی.
علاقه لی ینگی لیکلر
تورکیه – امریکا قوشمه ایالتلری تشقی ایشلر وزیرلری اوزارا اوچره شوو اوتکزدی
ایککی وزیرنینگ چیکیانینگ پایتختی پراگ ده اوچره شگن لیگی بیلدیریلدی
تورکیه تامانیدن افغانستان ده بیر کتابخانه نینگ پایدیواری قوییلدی
تورکیه تامانیدن افغانستان نینگ بامیان ولایتیده بیر کتابخانه قوریلیشیدن خبیر بیریلدی