تورکیه جمهور رئیسلیک کابینه جلسه سی بولیب اوتدی

تورکیه جمهور باشلیغی رجب طیب ایردوغان،

"خوفسیزلیک باشقروولریمیزگه، یانیده، اونگیده، آرقه سیده کیم بارلیگی گه قره مه ی تثبیت ایتگن بوتون ترورچیلرنی یوق قیلیب تشلش بویروغی بیردیک" دیدی.

جمهور باشلیغی ایردوغان کابینه جلسه سی نینگ آرتیدن بیانات بیردی.

تورکیه نینگ قرارلیلیک بیلن آلیب بارگن ترورچیلیک نی منبعیده یوق قیلیب تشلش ستراتیژیسی نینگ اینگ کوپ منطقه ده بیر ترورستان قوریش پلانینی ریجه له گنلرنی راحتسیز ایتگن لیگینی معلوم قیلگن ایردوغان جنابلری،

"بولووچی ترور تشکیلاتی پ ک ک گه قورال، مهمات، تعلیم بیریب قوللب – قوتلش اورونیش لری اوزلیکسیز دوام ایتماقده دیر." دیب ایتدی.

چیگره دن تشقری عملیاتلر بیلن تورکیه نی ناقانونی کوچ آرقه لی ایچکی قرمه قرشیلیک سری آلیب باره دیگن اویینلرنی پوچگه چیقرگن لیگینی قید ایتگن جمهور باشلیغی،

"خوفسیزلیک باشقروولریمیزگه، یانیده، اونگیده، آرقه سیده کیم بارلیگی گه قره مه ی تثبیت ایتگن بوتون ترورچیلرنی یوق قیلیب تشلش بویروغی بیردیک" دیدی.

"امپریالیستلرنینگ عراق و سوریه ده بیر "تروریستان" قوریش ریجه لری میزده قالگن سری، هیچ بیریمیز اوزیمیزنی خوفسیز حس ایته آلمه یمیز." دیب گپیردی.

تورکیه جمهور باشلیغی ایردوغان،

"(ترورچیلیک که قرشی کوره ش) کیلگوسی آیلرده کیم نینگ نیمه دیگنی گه، قیسی تهدیدلرنی ساوورگنی گه قره مه ی ینگی آدیملر آته میز. ترورچیلیک نینگ منبعی وضعیتیده گی شمالی عراق تاغلری نینگ هر قریشینی خوفسیز منطقه وضعیتی گه کیلتیرگونچگه قدر بو منطقه ده گی عملیاتلریمیز اوزلیکسیز دوام ایته دی." دیب ایتدی.