استانبول هوا قونلغه سی اروپا مقیاسیده بیرینچی اوریننی ایگلله دی

استانبول هوا قونلغه سی 8-14 اپریل تاریخلری آره سیده کونده لیک اورته چه 1 مینگ 428 اوچیش بیلن اروپاده اینگ گاوجوم قونلغه بولدی.

استانبول هوا قونلغه سی  8-14 اپریل باسقیچیده اینگ گاوجوم قونلغه بولدی.

اوروپا هوا سیر و سفر خوفسیزلیگی تشکیلاتی (EUROCONTROL) 8-14  اپریل تاریخلری گه تیگیشلی اینگ گاوجوم قونلغه لری و هوا یولی ترافیکی حقیده کینگ راپور ترقه تدی.

اوشبو راپورگه کوره استانبول هوا قونلغه سی کونده لیک اورته چه 1 مینگ 428 اوچیش بیلن اروپاده بیرینچی بولدی.

میلادی 2023 ییلی نینگ خوددی شو باسقیچی گه کوره 10 فایز آشیرگن استانبول هوا قونلغه سی گاوجوملیک جهتیدن هم دنیا مقیاسیده ایلک 10 قونلغه قطاریگه کیردی.

استانبول هوا قونلغه سی نینگ آرتیدن کونده لیک 1 مینگ 343 اوچیش بیلن امستردام شیپول قونلغه سی،  1 مینگ 311 اوچیش بیلن لندن هیترو قونلغه سی کیله دی.